Brain Mapping

Прецизно мапирање на мозочната активност , следење на хипер/хипоактивација и креирање на персонализиран пристап. Следење на ефектите од томатис терапија

Напредна анализа на мозочната активност преку QEEG и ERP

За првпат во регионот на Балканот, во нашата работа се применува напредно истражување на мозочната активност преку QEEG, користејќи ја истата методологија како системот Atlantis – ANT Neurocognitrace. Овој пристап претставува дел од функционалната неврологија и овозможува детално мапирање на мозокот, односно изработка на тридимензионална визуелизација на неговата активност.

Преку ова мапирање добиваме јасна и прецизна слика за функционирањето на мозокот. Активноста е прикажана во боја, при што јасно се разликуваат областите кои функционираат оптимално од оние кај кои постојат отстапувања. Резултатите се споредуваат со нормативни вредности добиени од лица од истата возрасна група без потешкотии, што овозможува објективна и научно заснована анализа. Разликите се визуелно означени, што овозможува лесна идентификација на функционалните слабости во различни мозочни региони.

Ваквиот пристап му овозможува на терапевтот прецизно да ги утврди областите кои имаат потреба од стимулација. Врз основа на овие податоци се креира индивидуализиран, насочен и ефективен терапевтски план. По период од шест месеци активна работа со Tomatis терапијата, се спроведува повторно мапирање со цел да се анализираат промените и напредокот, што овозможува континуирана евалуација и оптимизација на третманот.

Дополнително, во анализата се вклучуваат и ERP мерења, кои ја проценуваат реакцијата на мозокот на специфични стимули и даваат увид во когнитивните процеси како внимание, обработка на информации и донесување одлуки. Комбинацијата на QEEG и ERP обезбедува сеопфатна проценка на функционалната состојба на мозокот, што претставува основа за прецизна дијагностика и високо персонализиран терапевтски пристап.

Овој интегриран метод претставува современ и научно потврден пристап кој овозможува длабинско разбирање на мозочната функција и значително ја зголемува ефикасноста на терапевтските интервенции.